Upassa Simalungun

Marodor parsinaman manonggor huda huda
Layur do au hiranan bani si boru Purba

Sada simarlasina, Padua simargalung-galung
Bahat namin hanami marsanina, Pitah audo manaron namalungun

Dalan hua Ajibata, adong do tubuh Pisang
Anggo domma marrumah tangga, ulang ma adong hata mandok sirang

Tumpak ni piring ledeng, paledang-ledang pahu
Loja do hapeni inang, pagodang-godang kon au

Habang ma kapal terbang, mamboan pinggan pasu
Age daoh ham marlajang, ulang lupa ham hubakku.

Maretor porkis ipuh bani hayu aloban
Rado manektek iluh daoh bani hasoman

Manortor roba roba itongahni harangan
Age ihojot horja ,nasoppat lobei mangan

bulungni pisang lemes bulungni topu
Ham ma huahap inang agepe lape mardomu

sisir ni anak lajang pattang do itadingkon
Misir pe au marlajang hamdo nahusarihon

Etek pe pora pora aima panggantih itok
Etek pe horja asal adatna gok

torik pe namarsege torikan ope mamburbur
Otik pe naibere sonaima malas uhur

Mange mange si borhu sontohni poyon poyo
Age hita masombuh nabotoh habadoron

Eme na masak, Bulungni pe melus
Age aha namasa, Ulang lupa martonggo hubani Tuhan Jesus

Bahat macamni gaya-gaya, bani juma tapian
Ulang ma marpoya-poya, Unang parsuma passarian

Aek ni sipir-sipir, Pamurianni holi-holi
Nanget hita marpikkir, Ulang manosal holi

Urat ni gatap tano, rongging marsiranggoman
Age pe padao-dao, Tondyttai tong marsigomgoman

Ia bagod i nakkih, ilambung ni sampuran
Ia jaman on jaman canggih, ulang lupa hubani Tuhan

Halambir ni sindamak, ikuhur dop ibola
Sinaha pe nini halak, ulang lupa bani horja

Juma ni Tigarunggu, tubuhan lata-lata
Rajin ma hita mar minggu, ase tong-tong ihasomani Tuhanta

Sinjata ni Indonesia, mariam dohot mortir
Andohar Indonesia jaya, Rakyat ni pe homa makmur

Ratting ni hayu bor-bor, ibaen hu pingging pasu
Anggo rajin martonggo, Jumpahan pasu-pasu

Boras ni purba tua, iboan hu tiga balata
Horas ma hita sayur matua, itumpak-tumpak Naibatanta

Sada sikortas kajang, padua kortas hulipat
Sadokah ham marlajang, sada ham do hansa na hudingat

Arirang ni palia, madek-dek hu bong-bongan
Age adong parsalisihan, ulang mar sidom-doman

Tubuh ma silanjuyang, itagil lang ra melus
Aha pe lang na hurang, anggo marhasoman Jesus

Ulang ihondor gumba, timbaho sihondoran
Ulang martonggo rupa, parlaho do sitonggoran

Boras sabur-saburan, iboban ni pinggan pasu
Horas hita ganupan, sai jumpahan pasu-pasu

 

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s